ფეხბურთელ გიორგი შაქარაშვილის ბიძამ, მირიან ნიკოლაძემ „ქრონიკასთან“ საუბრისას განაცხადა, რომ გარდაცვლილ 19 წლის ბიჭს, წინასწარი დათვალიერებით, ცივი და ცეცხლსასროლი იარაღით მიყენებული დაზიანებები არ აღენიშნება.
მისი თქმით, ექსპერტიზის დასკვნა 45 დღეში უნდა გახდეს ცნობილი, მაგრამ რადგან საქმე საზოგადოებრივად მაღალ ინტერესს იწვევს, გამორიცხული არაა, ის 2 კვირაშიც გაცხადდეს.
19 ივნისს, დაახლოებით 11 საათზე გიორგი შაქარაშვილის დაკარგვის შესახებ ოჯახმა შინაგან საქმეთა სამინისტროს მიმართა. პოლიციამ, სამაშველო სამსახურთან ერთად, შეტყობინების მიღებისთანავე დაიწყო სამძებრო სამუშაოები. 4-დღიანი უწყვეტი საძიებო სამუშაოების შედეგად მყვინთავებმა ფეხბურთელ გიორგი შაქარაშვილის ცხედარი წყალში იპოვეს.