ჯილდო 10 ათასი ლარი – ოზურგეთის მერიამ ვანო ჩხარტიშვილის ცოლს სქაპატიო მოქალაქის წოდება მიანიჭა

ოზურგეთის მერიამ ბიზნესმენ ვანო ჩხარტიშვილის ცოლს, ნანა გოთუას ოზურგეთის საპატიო მოქალაქის წოდება მიანიჭა. მერიის ცნობით, ნანა გოთუას აღნიშნული სტატუსი ქართული ტრადიციული გალობისა და ხალხური სიმღერის პოპულარიზაციის საქმეში შეტანილი “განსაკუთრებული წვლილისთვის, ქველმოქმედებისა და კულტურის სფეროს მხარდაჭერისთვის” მიანიჭეს. გოთუასთან ერთად, ოზურგეთის საპატიო მოქალაქის წოდება კიდევ 9 ადამიანს გადასცეს. თითოეული მათგანი ვანო ჩხარტიშვილმა 10 000 – 10 000 ლარით დააჯილდოვა.

“მოხარული ვარ და მადლობას ვუხდი საქველმოქმედო ფონდ „ქართული გალობის“ დამფუძნებელს, ბიზნესმენ ვანო ჩხარტიშვილს, რომელმაც ჩვენი ქალაქის საპატიო მოქალაქეებს ჯილდოს სახით 10 000 – 10 000 ლარი გადასცა”, – ნათქვამია მერიის სოციალურ ქსელში გამოქვეყნებულ პოსტში.