ნორვეგიის სამეფოს ჯანდაცვის სამინისტროს უფროსი მრჩეველი, ზაზა წერეთელი სოციალურ ქსელში სახალისო პოსტს აქვეყნებს, სადაც წერს, რომ ფეხბურთელ ნიკოლოზ კვარაცხელიას მიერ გუშიდელი მატჩის გამოტოვების მიზეზი მისი ჯანმრთელობის მდგომარეობა არ გამხდარა.
„კვარამ გუშინ არ ითამაშა…როგორც ამბობენ ნამდვილი მიზეზი შემდეგში მდგომარეობს. ლივერპულის მოთამაშეს, ტრენტ არნოლდს, გაბრაზება ვერ დაუმალავს ნაპოლისთან თამაში შემდეგ და დაკავშირებია ნაპოლიში მცხოვრებ მაფიას, კავარაცხელიას მანქანა მოპარეთო… თან ისე გააკეთეთ რომ ეს ქართველებს დაბრალდეთო… მაფიამ პირველი ნაწილი შეასრულა, მეორე თურმე დაავალა ფეისბუქის მომხმარებლებს და ატყდა ამბავი, აშკარად ქართველებმა მოიპარესო… კი არ დადასტურდა, მაგრამ ამან ძალიან იმოქმედა კვარაზე, სულიერი ტრავმა მიიღო და რამოდენიმე კვირის გამოტოვება მოუხდებოდა… ამის შემდეგ დაფიქრდა თურმე ნაპოლის მაფია, და სიტუაციის გამოსწორება გადაწყვიტა… გამონახეს პოლიციელი, რომლის ბებიის მეზობლის და თავის დროზე ქართველებს იცნობდა. თურმე ამ ბებიის მეზობლის დას ერთხელ ხაჭაპური გამოუცხვია და ამ პოლიციელს გაუსინჯავს. ჰოდა, გარკვეული სიმპათიები ჰქონია საქართველოსადმი. სწორედ ამ პოლიცილეს აპოვნინეს მანქანა და რადგან მან იცოდა რა იყო ხაჭაპური და ქართველობა, ამითი ცოტა მაინც გამოუკეთეს გუნება კვარას და იმ ბევრ თამაშს აღარ გამოტოვებს
როგორ დაისჯება ტრენტი, მას შემდეგ რაც ეს ამბავი გასკდა, დღეს ვნახავთ ტოტენჰემთან თამაშის დროს… კლოპის ბიძის მეორე ცოლის ბაღის მეგობარი, ქართველი ყოფილა და…“, – წერს ზაზა წერეთელი.