ექიმი, გიორგი ღოღობერიძე სოციალურ ქსელში ვიდეომიმართვას აქვეყნებს და საზოგადოებას ფრჩხილების მოვლის შესახებ რჩევებს უზიარებს:
“ნომერ პირველი მიზეზი, ეს არის რკინის ნაკლებობა, თუ შენ სხეულში რკინა დაქვეითებული რაოდენობითაა, ეს თავდაპირველად, გამოვლინდება ფრჩხილების მტვრევადობით. გამოსავალი არის ის, რომ მიიღო რკინით მდიდარი საკვები. ხორცში არსებული რკინა ჩვენი სხეულის მიერ შეიწოვება მარტივად. რკინა შეიძლება მიიღო დანამატების სახითაც, ჰემატოლოგთან კონსულტაციის შემდეგ.
მეორე, რაც შეიძლება იწვევდეს ფრჩხილების მტვრევადობას, ეს არის ფარისებრი ჯირკვლის დაქვეითებული აქტივობა.
შენი ამოცანა იქნება, რომ მიხვიდე ენდოკრინოლოგთან და უმკურნალო ამ პრობლემას.
მესამე, ეს არის D ვიტამინის ნაკლებობა” – აცხადებს ღოღობერიძე
