სამოქალაქო აქტივისტი, გიგა მაქარაშვილი სოციალური ქსელის საშუალებით პრეზიიდენტ სალომე ზურაბიშვილს მიმართავს და ნიკა გვარამიას გათავისუფლებისკენ მოუწოდებს.
“Salome Zourabichvili, გახსოვს აგერ, ათი დღის აზერბაიჯანის პრეზიდენტთან რომ არ შეგახვედრეს და კეთროვანივით გადაგმალეს?
ის თუ გახსოვს, საქვეყნოდ რომ შეგარცხვინეს და პრეზიდენტ ქალს მივლინებაში წასვლის უფლება არ მოგცეს?
გახსოვს მთელი ცხოვრების ნაგროვები რეპუტაცია წამში რომ გაგიქრეს და მსოფლიოს შენი სახელით დაპირდნენ პროპორციულ არჩევნებს? რომ გადააგდეს მთელი მსოფლიო, შენი სახელით რომ გადააგდეს ეგ გახსოვს?
შარლ მიშელი გახსოვს? შენს რეზიდენციაში დადგმული ფარსი გახსოვს?
ვიღაცა ლარნახევრიან დეპუტატებს რომ შენზე ათას სისაძაგლეს ალაპარაკებენ ეგ გახსოვს?
ვიცი, რომ გახსოვს!
და ვინ გაგიკეთა ეს ყველაფერი ეგეც ხომ ყველამ ვიცით და შენ პირველ რიგში?!
ჰო და ახლა მაგ ხალხის პირადი პატიმარი შეგიძლია ციხიდან დაიხსნა და მთელს ცივილურ სამყაროს და საღი გონების ყველა ქართველს გაუჩინო პატარა იმედი, რომ ყველა გამარჯვება წინაა!
გაათავისუფლე!”- წერია მაქარაშვილის მიმართვაში.