არ უნდა გვეგონოს, რომ ბრძოლა დასრულებულია და გამარჯვებას მივაღწიეთ – ამის შესახებ პრემიერ-მინისტრმა გიორგი გახარიამ განაცხადა.
„რაც უფრო მოვადუნებთ ყურადღებას, მით უფრო სწრაფად გავრცელდება ვირუსია.
უბრალოდ შეუძლებელია ცალკე აღებულმა ქვეყანამ დაამარცხოს გლობალური პანდემია.
უდიდესი პასუხისმგებლობა გვამრთებს თითოეულ ჩვენგანს ყოველდღიურ ცხოვრებაში. აბსოლუტურად დარწმუნებული ვარ, როგორც კი მოვდუნდებით ვირუსი გავრცელდება ისე სწრაფად, რომ გააზრებასაც ვერ მოვასწრებთ.
შევხედავთ ერთმანეთს და ვიტყვით – ეს როგორ დაგვემართა. ერთობლივად მივაღწიეთ რასაც მივაღწიეთ და ასევე ერთობლივად უნდა შევინარჩუნოთ ეს შედეგი“, – განაცხადა გიორგი გახარიამ.