რესპუბლიკურ საავადმყოფოში კორონავირუსით ინფიცირებული 17 პაციენტი მკურნალობს, ერთის მდგომარეობა კრიტიკულია. ამის შესახებ ჟურნალისტებს კლინიკის ხელმძღვანელმა ლევან გოფოძემ განუცხადა და აღნიშნა, რომ ეს პაციენტი მართვით სუნთქვაზეა.
„რაღაც გაუმჯობესება არის, ძალიან გვაღელვებს მისი მდგომარეობა. ვნახოთ, როგორ განვითარდება მოვლენები. დანარჩენების მდგომარეობა დამაკმაყოფილებელია. დღეს მოვიდა პასუხები და 40-დან ექვს პაციენტს დაუდასტურდა ვირუსი. ნაწილის წყაროები ცნობილია, ნაწილის კვლევა მიმდინარეობს. რაც შეეხება ჩვენს მედპრსონალს, 50-მდე ექიმი და სანიტარი დაიტესტა. ყველას დავტესტავთ. პასუხები ხვალ გვექნება“, – აღნიშნა ლევან გოფოძემ.
მისივე თქმით, ახალი შემთხვევებიდან რესპუბლიკურში ინფექციური საავადმყოფოდან ერთი პაციენტი გადაიყვანეს, 5 კი ამავე კლინიკაშია.