დღეს შუადღით ექვსი ახალი დადასტურებული შემთხვევიდან 2 რესპუბლიკური საავადმყოფოს ექთანია – ამის შესახებ რესპუბლიკური საავადმყოფოს დირექტორმა, ლევან გოფოძემ განაცხადა.
მისი თქმით, დღეს დამატებით 50 ექიმი გაიტესტა, რომელთა პასუხებიც ხვალ გახდება ცნობილი.
„ახალ დადასტურებული შემთხვევების წყაროების მოძიება მიმდინარეობს. როდესაც პირველად ჩვენთან შემთხვევა აღმოჩნდა, მაშინვე დავიწყეთ მთელი სტაფის გატესტვა იმისთვის, რომ არცერთი შემთხვევა არ გაგვეპაროს“,- განაცხადა ლევან გოფოძემ.
მისივე თქმით, რესპუბლიკურ საავადმყოფოში პაციენტების მიღება არ შეწყდება.
ამჟამად რესპუბლიკურ საავადმყოფოში 38 ადამიანზე მიმდინარეობს დაკვირვება. აქედან დადასტურებული ინფექცია 17-ს აქვს.