საზღვრის კვეთისას თურქმა სამართალდამცავებმა დააკავეს კაცი, რომელსაც საქართველოდან 1100 ფუტკარი სხეულზე დამაგრებული ხის ყუთებით გადაჰყავდა. მედიაში გავრცელებული ინფორმაციის თანახმად, კაცმა სარფის საზღვარზე სკანირება უპრობლემოდ გაიარა, მაგრამ იგი მებაჟეებმა საეჭვო ქცევის გამო შეაჩერეს და გაჩხრიკეს.
სვიტერის აწევის დროს გაირკვა, რომ მას სხეულზე ხის პატარა ყუთები ჰქონდა დამაგრებული, სულ 110 ყუთი. თითო ყუთში 1 დედა ფუტკარი და ცხრა მუშა ფუტკარი იყო მოთავსებული.
ამ დრომდე უცნობია, დაკავებული საქართველოს მოქალაქეა თუ თურქეთის.
ასევე, სარფის საზღვარზე, თურქეთში შესული ავტომანქანის საწვავის ავზში 104 კილოგრამზე მეტი წაბლის თაფლი აღმოაჩინეს.