ორმა მოქალაქემ სტამბოლში მდებარე ერთ-ერთი ბანკიდან ორი ტომარა ფული მოიპარა, რომელიც ბანკში დახლს უკან იდო – ინფორმაციას ადგილობრივი მედია ავრცელებს
ბანკის თანამშრომლები ქურდობის შესახებ საათნახევარში შეიტყეს. ერთ-ერთი დამნაშავე იატაკზე გაცოცდა და ქვედა სივრციდან იმ განყოფილებაში გადავიდა, სადაც დახლები იყო განთავსებული.
მძარცველი მოპარული თანხით მეგობართან მივიდა, რომელიც მას ფილიალთან ელოდა. ისინი ტერიტორიიდან საკუთარი მანქანით გაიქცნენ.
როგორც ადგილობრივი მედია წერს, ქურდობაში ეჭვმიტანილი კოლუმბიის მოქალაქეები ქვეყნის დატოვებას და საქართველოში გამოქცევას ცდილობდნენ. ორივე ბრალდებული სარფის საზღვართან დააკავეს.
ეჭვმიტანილებს 23 120 ევრო, 54 550 დოლარი, 2 560 ფუნტი, 131 ათასი ლირა და 557 კოლუმბიური პესო აღმოაჩნდათ.