TikTok მობილური თამაშების განყოფილების (tab) დამატების შესახებ ინფორმაციას ავრცელებს – Financial Times-ის ცნობით, მომხმარებლებს შეეძლებათ თამაშებზე წვდომა მსოფლიოს ერთ-ერთი ყველაზე პოპულარული ვიდეო აპლიკაციის მთავარ გვერდზე ღილაკზე თითის დაჭერის მეშვეობით.
გამოცემის ცნობით, TikTok მასპინძლობს თავის „პირველ გლობალურ გეიმინგ ღონისძიებას“, სლოგანით “TikTok Made Me Play It”.
TikTok-ის გლობალური თამაშების ხელმძღვანელად ასაფ საგი დაინიშნა. ის კომპანია McKinsey-ის ყოფილი მენეჯერი და Intel სისტემის არქიტექტორია, TikTok -ს შეუერთდა 2020 წელს, მანამდე კი Snap-ში სამი წლის განმავლობაში მუშაობდა.
„TikTok და გეიმინგი შექმნილია ერთმანეთისთვის. TikTok-მა უკვე აჩვენა თავისი მნიშვნელობა იმით, რომ დაეხმარა მომხმარებლებს გაარკვიონ რა არის სახალისო, ღირებული და პოპულარული. მოუთმენლად ველი მჭიდრო თანამშრომლობის დაწყებას ყველა სათამაშო კომპანიასთან, რათა დაგეხმაროთ TikTok გახდეს მთავარი საფუძველი თქვენს მარკეტინგულ სტრატეგიებში.“,- დაწერა ასაფ საგიმ LinkedIn-ის პოსტში.
სტატიაში ვკითხულობთ, რომ ახალი ფუნქცია შეიძლება დაემატოს 2 ნოემბერს.