ექიმმა ლევან რატიანი პირველი საუნივერსიტეტო კლინიკის მედდის მიერ გაკეთებულ განცხადებას ეხმაურება, რომელიც მან წაგებული სასამართლო დავის შემდეგ, სამსახურში უნდა აღადგინოს, და წერს, რომ გადაწყვეტილებას აუცილებლად გაასაჩივრებს:
“მე მეგონა, მადლობას მეტყოდნენ, როცა საფრთხის მომცემ მედპერსონალს სამსახურიდან გავათავისუფლებდი. ნებისმიერ ასეთ დარღვევაში, სადაც დაარღვევს ნებისმიერი მედპერსონალი, ყველა ღონეს მოვიხმარ, რომ ასეთი ჩემს გუნდში არ იყოს. გადაწყვეტილება სააპელაციო სასამართლოში აუცილებლად გასაჩივრდება და პირობას ვიძლევი, რომ ქალბატონ ნინოს მსგავსი პერსონა ჩემს კლინიკას არ ეყოლება და ანალოგიურს ვუსურვებ ქვეყანას“, – განაცხადა რატიანმა.
ცნობისთვის, საუნივერსიტეტო კლინიკიდან გათავისუფლებული მედდა აცხადებდა, რომ ანაზღაურების გაზრდის მოთხოვნის შემდეგ, ლევან რატიანი მას შეურაცხყოფას აყენებდა და აიძულებდა, რომ სამსახურებრივი გადაცდომა ეღიარებინა, რომელიც, მისი თქმით, არ ჩაუდენია.