„რომას“ მთავარ მწვრთნელ ჟოზე მოურინიოს „ნაპოლისთან“ მატჩის წინ ხვიჩა კვარაცხელიას შესაჩერებლად გეგმის შესახებ ჰკითხეს, რაზედაც პორტუგალიელმა სპეციალისტმა ჩვეულ სტილში იხუმრა.
„განსაკუთრებულმა“ თქვა, რომ თუ „კვარა“ ახლოს ჩაუვლის, დაარტყამს და ასე ეცდება მის შეჩერებას. რასაკვირველია, ეს ხუმრობა იყო.
– კვარაცხელიათი „რომაც“ იყო დაინტერესებული? რაიმე ხაფანგს ამზადებთ მის შესაჩერებლად? რას უნდა ველოდოთ თქვენგან?
– ჩემგან? ჩემგან არაფერს. ხვალ თუ ის მატჩის დროს ჩემს წინ გაივლის, ვეცდები დავარტყა, რომ შევაჩერო (იღიმის – რედ). ახლა ძალიან ადვილია იმის თქმა, რომ მისით ყველა დაინტერესებული იყო. ერთადერთი, რაც მთავარია, ის „ნაპოლიში“ გადავიდა და ისინი კარგად მოიქცნენ, რადგან ძალიან კარგი ფეხბურთელი ჰყავთ. შესაძლოა, თავადაც ფეხბურთელმაც კარგი არჩევანი გააკეთა „ნაპოლიში“ გადასვლით“, – აღნიშნა მოურინიომ.
შეგახსენებთ, „რომასა“ და „ნაპოლის“ მატჩი 23 ოქტომბერს, თბილისის დროით 22:45 საათზე გაიმართება.
256 ნახვა
