ცნობილი ქართველი ექიმი-კარდიოლოგი, ანა ოთარაშვილი გარდაიცვალა. ამის შესახებ ინფორმაციას თელავის მუნიციპალიტეტის საკრებულო სვრცელებს.
„თელავის მუნიციპალიტეტის საკრებულო ღრმა მწუხარებას გამოთქვამს საკრებულოს წევრის და ექიმი-კარდიოლოგის, ანა ოთარაშვილის გარდაცვალების გამო და სამძიმარს უცხადებს ოჯახს, ახლობლებსა და მეგობრებს.
არა მხოლოდ თელავის მუნიციპალიტეტმა, არამედ ქართულმა საზოგადოებამ დაკარგა ერთ-ერთი საუკეთესო ექიმი, საკუთარი საქმის პროფესიონალი, გამორჩეული პიროვნება და საკუთარ ქვეყანაზე შეყვარებული ადამიანი.
მას ყოველთვის მადლიერებით და სიყვარულით გაიხსენებენ“ – ნათქვამია ინფორმაციაში