“ტოვებენ ტაძრებს და სამრევლოებს… გადაიხვეწნენ…“ – რას წერს ილია ჭიღლაძე სასულიერო პირებზე

დეკანოზი ილია ჭიღლაძე სოციალურ ქსელში პოსტს აქვეყნებს და წერს, რომ ბოლო პერიოდში საქართველო ათობით სასულიერო პირმა დატოვა.

როგორც ჭიღლაძე წერს, მიზეზადაც დეკანოზი ქართულ ეკლესიაშ არსებულ მდგომარეობას ასახელებს.

“ამ ბოლო პერიოდში ათობით მღვდელი წავიდა საქართველოდან სამუშაოდ ევროპასა და ამერიკაში, მათ შორის ძალიან (!) ცნობილები. კიდევ ბევრი ემზადება გასაქცევად. მიზეზი არის მღვდლის არაფიქსირებული და არაუზრუნველყოფილი, ბედისანაბარა (ანუ შესაწირი, რომელიც ან არის, ან არა, თუ არის ხშირად მიზერია) მდგომარეობა ქართულ ეკლესიაში. საეკლესიო მმართველობის მიერ, არ არის განსაზღვრული მღვდლის საარსებო ჰონორარი, არ არის ჯანმრთელობის დაზღვევა, არ არის საპენსიო ფონდი! ამიტომაც, ტოვებენ ტაძრებს და სამრევლოებს და საარსებო წყაროს საძიებლად გადაიხვეწნენ, ზოგს ოჯახები ჰყავს სარჩენი, ზოგსაც საკუთარი თავი გადასარჩენი ვალებისაგან და აუცილებელი ხარჯებისაგან… ხოლო საპატრიარქო და ეპისკოპატი, მღვდლების და მონასტრების ნაწილი ფუფუნებაში იხრჩობა! ასეთი უსამართლო და უთავბოლო მდგომარეობაში ჩააყენა ეკლესია და სასულიერო დასი მულტიმილიონერმა ილია შიოლაშვილმა. ეკლესია, რომელიც უნდა იყოს სიმართლის და სამართლიანობის წყარო, უსამართლობის და სიბინძურის სულთამხუთავ ჭაობად იქცა. ერთმა მღვდელმა ახლახან ამერიკის გრინკარტა მოიგო და ეპისკოპოსი არ აძლევს წასვლის უფლებას, მაგრამ მაინც წავა, სულ რომ შეუჩეროს მღვდლობა და კარგსაც იზამს ეს მღვდელი: ოჯახი და მისი ინტერესები აღმატებული სიკეთეა, ვიდრე რეგვენი, რეციდივისტი, მილიონერი ეპისკოპოსის მონობა“, – წერს ილია ჭიღლაძე.