TikTok ასაკობრივ შეზღუდვას აწესებს – ინფორმაციას უცხოური მედია ავრცელებს.
TikTok პლატფორმა პირდაპირი ეთერის ფუნქციებსაც აახლებს, მნიშვნელოვანი ცვლილებები კი ამჯერად, მაყურებელთა ასაკობრივ კატეგორიას უკავშირდება.
განახლება TikTok-ის Live-მომხმარებლებს გარკვეულ შეზღუდვას უწესებს. უფრო ზუსტად, თუკი, თქვენი პირდაპირი ეთერი ბილწსიტყვაობას შეიცავს, ან სენსიტიურ საკითხებს ეხება, მისი ყურების უფლება მხოლოდ ზრდასრულებს ექნებათ. ფუნქცია რამდენიმე კვირაში ამოქმედდება.
23 ნოემბრიდან ძალაში შევა ახალი შეზღუდვაც, რომლის მიხედვით TikTok-ზე პირდაპირ ეთერში გამსვლელთა მინიმალური ასაკი, 16-ის ნაცვლად, 18 წელს უნდა შეადგენდეს.