რაღაც წილად, ყველა ერთად ვართ დამნაშავე საერთო საქმის წინაშე, – აცხადებს ვაკის პარკის შადრევნის პროექტის ავტორმა შალვა ქურიძემ “ტვ პირველის” ეთერში.
მისივე თქმით, საინჟინრო, ტექნიკურ ნაწილში მშენებელი ყველაფერს დამკვეთთან შეთანხმებით აკეთებს.
“მსგავსი მოვლენა არ უნდა მომხდარიყო. რაღაც წილად, ყველა ერთად ვართ დამნაშავე საერთო საქმის წინაშე…შეუძლებელია, რომ დამკვეთის გარეშე რამე გააკეთო, საინჟინრო, ტექნიკურ ნაწილში მშენებელი ყველაფერს დამკვეთთან შეთანხმებით აკეთებს. რაც შეეხება ჩემი პროექტის ცვლილებებს, ცვლილებების ავტორთან შეთანხმება ხდება არქიტექტურულ საკითხში და არა ტექნიკურ საკითხში. მოხდა სუფთა არქიტექტურული ცვლილება, შადრევნის დიზაინის ნაწილს რაღაც დეტალები გამოაკლდა და ჰორიზონტალური ნაწილი ზემოთ წამოიწია, რაც შეეხება სამშენებლო ნაწილს, ეს უკვე შემსრულებლის პრეროგატივაა, რა თქმა უნდა დამკვეთთან შეთანხმებით“, – განაცხადა ქურიძემ.
ცნობისთვის, ვაკის პარკში, შადრევანში 3 ბავშვი ბურთის ამოსატანად ჩავიდა, რა დროსაც მათ დენმა დაარტყა. ბავშვები კლინიკაში სასწრაფო დახმარების ბრიგადამ გადაიყვანა. ერთ-ერთი ბავშვის, 13 წლის გოგონას, მარიტა მეფარიშვილის მდგომარეობა თავიდანვე მძიმე იყო და ის ხეჩინაშვილის კლინიკაში გარდაიცვალა.
72 ნახვა
