“მგაზვრების” სოლისტი, გიგი დედალამაზიშვილ, ბავშობას იხსენებს.
როგორც გიგი ყვება, მას მეტყველების პრობლემა ჰქონდა, ამის მოსაგვარებლად კი შემლოცველთანაც კი ჰყავდათ.
“მეტყველების პრობლემა მქონდა. 3-4 წლის ვიყავი, როცა რაღაცამ შემაშინა. მე არ მახსოვს პირველი შემთხვევა სახლში რომ დავბრუნდი, ენა მებმებოდა. ყველაზე ცუდი, რაც მჭირდა, წინადადებას რომ ვამბობდი, დარწმუნებული ვიყავი, რომ რაღაც სიტყვას ვერ ვიტყოდი და სწორედ იმაზე მებმებოდა ენა. ამიტომ ჩემი მეთოდებით დავიწყე სიტყვების გადალაგება, გაკვეთილის მოყოლა მიჭირდა.
მეორედ ჩემს უფროს ნათესავებთან ვიყავი, სადაც საშინელებათა ჟანრის ფილმები ჩართეს, რასაც დღემდე ვერ ვუყურებ. იყვნენ თოჯინები, რომლებიც ადამიანებს წვავდნენ, ძალიან შემეშინდა. მაშინ დამება მეორედ ენა, ეს შიშები დღემდე მახსოვს. მარტო დარჩენის მეშინოდა ხოლმე.
რთული პერიოდი იყო, მახსოვს კოჯორში წამიყვანა ბებიაჩემმა, ბევრი ტრანსპორტი გამოვიცვალეთ, ფეხითაც ვიარეთ… თან ვერც ვხვდებოდი, სად მივდიოდით, კი არ მეუბნებოდა. მივედით, მარილი უკან გადაყარა, შიშების მომხსნელი რაღაცები წაიკითხა და არ მეშველა. (იცინის)
თეატრალურში, პირველ კურსზე ხმამაღლა კითხვა ძალიან გამიჭირდა. „მეფე ლირს“ გვაკითხებდნენ, რეჟისორს ეჭირა ერთი წიგნი და იქ ვერაფერს შევცვლიდი. ისე მებმებოდა ენა, ვერ ვკითხულობდი… როლზეც გამიკეთებია ასე.“ – ამბობს მომღერალი რუსთავი 2-ის გადაცემაში „სხვა კითხვები“.
102 ნახვა
