14 წლის მოზარდის ცხედარი აღმოსავლეთ მოსკოვში, სვიატოიეს ტბის მახლობლად არაბუნებრივ მდგომარეობაში და ტანსაცმლის გარეშე იპოვეს. ექსპერტიზამ აჩვენა, რომ ბიჭი ცემის შედეგად გარდაიცვალა. შემთხვევის ადგილზე მობილური ტელეფონიც იპოვეს.
MK-ს ინფორმაციით, ბიჭის ცხედარი პარკის ტერიტორიაზე მოსეირნე გამვლელებმა ნახეს. მათივე თქმით, ახალგაზრდა მამაკაცს თავი დახრილი ჰქონდა და თითქოს მუხლებს შორის იყო გაჭედილი. მხოლოდ შორტები და წინდები ეცვა. გამვლელებს ეგონათ, რომ ახალგაზრდა მამაკაცი იოგით იყო დაკავებული. ჰკითხეს, კარგად იყო თუ არა და პასუხი არ ისმოდა, შეეხნენ – სხეული გაყინული იყო.
მოგვიანებით პოლიციამ შეიტყო, რომ გარდაცვლილის უმცროსი ძმა მშობლებს საიდუმლოს უმალავდა. ბიჭმა თქვა, რომ მისი უფროსი ძმა ვიღაცასთან “დიდი დანაშაულისთვის” საჩხუბრად წავიდა. გარდაცვალების მიზეზი, წინასწარი მონაცემებით, მრავალი სისხლჩაქცევა გახდა.
როგორც უცხოური გამოცემა Life წერს, მოსკოვში, ტბასთან 14 წლის მოზარდის ცხედრის აღმოჩენის ადგილიდან ვიდეო მოიპოვეს. ბავშვის გარდაცვალების ზუსტი მიზეზის დასადგენად სასამართლო-სამედიცინო ექსპერტიზა დაინიშნა. ეს პოლიციას დაეხმარება ტრაგედიის სრული სურათის აღდგენაში. ასევე მიმდინარეობს კამერის ჩანაწერების და ბიჭის მარშრუტი შესწავლა.