ბლოგერი თი მაჭავარიანი გადაცემაში “ღამის პრაიმთაიმი” ბავშვობის ტრავმებზე საუბრობს და იხსენებს მძიმე ისტორიას.
როგორც თი ყვება, მე-5 კლასში იყო, როცა სკოლაში 6-მა ბიჭმა გააუპატიურა:
“მე-5 კლასში ვიყავი, როცა სკოლაში 6-მა ბიჭმა ჩემზე სექსუალურად იძალადა. დღემდე ჩარჩენილი მაქვს ქვეცნობიერში, რამაც შემდეგ გამოიწვია ძალიან ბევრი კომპლექსი. მაშინ არაფერი ვიცოდი სექსუალური კავშირის შესახებ, არანაირი ინფორმაცია არ მქონდა. მაშინ საკუთარს თავს ვადანაშაულებდი და მეგონა, რომ მე ვიყავი ცუდი. სახლში ვერ დავმალე ეს ამბავი, იმიტომ რომ იქვე ყვირილი ავტეხე, შემდეგ პირზე ხელი ამაფარეს და ვუკბინე, რა დროსაც მომტყდა კბილი. ავტეხე ღრიალი, გაიგეს სკოლაში და დაურეკეს ჩემებს. ბიჭები გავარდნენ გარეთ.. არ ვიცოდი რა მოხდა, თავს დამნაშავედ ვთვლიდი.. კაბა, რომელიც მეცვა, ორივე მხრეს ჩახსნილი იყო და დავჭერი, რადგან მეგონა რომ ამან გამოიწვია ეს ყველაფერი.. ერთი კვირის მანძილზ საერთოდ ვერ ვსაუბრობდი, სკოლაში საერთოდ არ მინდოდა წასვლა..სახლში რომ მოვყევი მივთხრეს,რომ ყველაფერი კარგად იქნებოდა. შემდეგ სკოლიდან გადამიყვანეს, ის ბიჭები კი არც დაუსჯიათ” – ამბობს თი.
