„ჯორჯიან უოთერ ენდ ფაუერი“ განცხადებას ავრცელებს და მოსახლეობას წყალმომარაგების შეწყვეტის შესახებ აფრთხილებს.
თბილისის ნაწილს წყლის მიწოდება შეწყვეტილი აქვს. კომპანია წყალმომარაგების აღდგენის დროს ასახელებს.
,,10 ოქტომბერს, GWP მე-5 მიკრორაიონის N9ა კორპუსის მიმდებარედ წყალსადენის ქსელზე დაზიანების აღსადგენად სამუშაოებს ატარებს.
აღნიშნულ მონაკვეთზე რთული ფარული დაზიანების დასადგენად სადიაგნოსტიკო სამუშაოები ინტენსიურ რეჟიმში მიმდინარეობდა. ადგილზე მობილიზებულია კომპანიის ტექნიკური ჯგუფები. ქსელის დაზიანებულ მონაკვეთზე გადაუდებელი აღდგენითი სამუშაოები დღეს, 10 ოქტომბერს 15:00 საათიდან დაიწყება.
აღნიშნულთან დაკავშირებით აუცილებელია მაგისტრალური ქსელის წყლისგან დაცლა, რის გამოც დღეს, 10 ოქტომბერს, 15:00 საათიდან 11 ოქტომბრის დილის 08:00 საათამდე წყალმომარაგება შეეზღუდება:
ვაჟა-ფშაველას V კვარტლის მე-4 კორპუსს, ნუცუბიძის I, II, IV, V მიკრორაიონებს, ნუცუბიძის ქუჩა N211, 221, 223, ჟღენტის, პოლიტკოვსკაიას, ფხაკაძის, მხატვართა, ძოწის, ვარაზის, ფერმწერთა, თვალჭრელიძის, ბანძელაძის, ზარზემის, ა. ტაბიძის, ქვემო აჟარის, კაპანელის, ზაალიშვილის, აფხაიძის, კვაჭაძის, ბიწაძის და კედარის ქუჩებს. შავგულიძის ქუჩა N7, 7ა, მინდელის ქუჩა N3, 5, სოფელ თხინვალას”, – აღნიშნულია ინფორმაციაში.
92 ნახვა
