ალა პუგაჩოვას შვილმა, კრისტინა ორბაკაიტემ და შვილიშვილმა, ნიკიტა პრესნიაკოვმა რუსეთი დატოვეს, ინფორმაციას უკრაინული მედია ავრცელებს.
ამჟამად ისინი აშშ-ში იმყოფებიან, თუმცა ორბაკაიტე მოსკოვში დაბრუნებას გეგმავს.
რამდენიმე დღის წინ მედიაში გავრცელდა ინფორმაცია, რომ ნიკიტა პრესნიაკოვი ომში გაიწვიეს, თუმცა თავად პრესნიაკოვმა ინფორმაცია უარყო.
ქვეყანა უკვე დატოვა ალა პუგაჩოვამ, ის, შვილებთან ერთად, საცხოვრებლად ისრაელში გადავიდა. პუგაჩოვას ქმარს, მაქსიმ გალკინს რუსეთის იუსტიციის სამინისტრომ უცხო ქვეყნის აგენტის სტატუსი მიანიჭა, უწყების განცხადებით, გალკინი, პოლიტიკური საქმიანობისთვის დაფინანსებას უკრაინისგან იღებს.
39 ნახვა
