მომღერალი, სტეფანე მღებრიშვილი, ეხმაურება გუშინ, 5 ოქტომბერს, გავრცელებულ ინფორმაციას კლუბურ ნარკოტიკში მკვლელი ნივთიერების – ფენტალინის აღმოჩენის შესახებ, რომლის გამოყენების დროსაც სიკვდილის რისკი ასჯერ უფრო იზრდება, და სოციალურ ქსელში წერს:
“ადრე მახსოვს ამსტერდამში ჩავედი, ალბათ 15 წლის წინ, ან მეტის.. ხოდა იქ ყველა ეკრანზე იყო რეკლამა: “არ მიიღოთ ისეთი ნარკოტიკი, რისი შემადგენლობაც არ იცით”
ძალიან ახალგაზრდა ვიყავი, თან ჩვენი ქვეყნიდან ჩასული, სადაც ნარკოტიკების მოხმარებაზე ციხეში ალპობდნენ. ჩემთვის ვფიქრობდი, რა უცნაური თხოვნაა, ანუ მიიღეთ ნარკოტიკი, ოღონდ რაც იცით ის, უცხო დილერებისგან არ იყიდოთო, მაგრამ ნაცნობებისგან იყიდეთო.. ვა, ვფიქრობდი, სად არიან ესენი გასულები.. :))
კი დადგა ეს დღეც საქართველოში, აცხადებენ, თუ შემადგენლობა არ იცით, ეგეთი ნარკოტიკი არ მიიღოთო, რაც იცით ის მიიღეთო ფაქტობრივად.. :)) წავსულვართ წინ.
მეც მგონია რომ კატეგორიული აკრძალვა ყოველთვის უარყოფითად მუშაობს. უნდა აუხსნან ადამიანებს სწორად.
ფრთხილად იყავით მეგობრებო, მართლა ბევრი ადამიანი დაიღუპა და არ ენდოთ არავის, შხამია შემოსული მართლა“, – წერს სტეფანე მღებრიშვილი.
კომენტარები
0 კომენტარები
