„ქალი, სიცოცხლე, თავისუფლება“ – ირანში დაწყებული დემონსტრაციების დაწყებიდან დღეს 20 დღე შესრულდა. პროტესტს უკვე ათობით ადამიანი ემსხვერპლა. ხელისუფლება გარდაცვლილებზე ოფიციალურ ინფორმაციას ჯერკიდევ არ ავრცელებს.
ალი სალეჰიმ, დედაქალაქის გენერალურმა პროკურორმა განაცხადა, რომ თეირანში “აჯანყების” დროს დაკავებული 400 ადამიანი გაათავისუფლეს, თუმცა უცნობია რამდენი პირი რჩება ციხეში.
სასწავლო წლის დაწყებისთანავე სოციალურ მედიაში ფართოდ გავრცელდა ვიდეოები, სადაც სკოლის მოსწავლეები და მოზარდები ჰიჯაბს იხსნიან და ლოზუნგებს სკანდირებენ.
სოციალურ ქსელში ფართოდ გავრცელდა მოზარდი გოგონას გარდაცვალების ამბავი, რომელიც შეუერთდა თეირანში საპროტესტო აქციებს.
ნიკა შაქარამი 10 დღით გაუჩინარდა. სანამ 17 წლის გახდებოდა. მისმა ოჯახმა სბოლოოდ მისი ცხედარი თეირანში მორგში იპოვო. გავრცელებული ინფორმაციით, მან თავის მძიმე ტრავმა მიიღო. ხელისუფლებამ მომხდარზე 8 პირი დააკავა და უარყო ბრალდებები, რომ ის შესაძლოა სცემეს უსაფრთხოების ძალებმა.
“როდესაც მის იდენტიფიცირებისთვის მივედით, მათ არ მოგვცეს საშუალება გვენახა მისი სხეული, მხოლოდ მისი სახე რამდენიმე წამით“, – განუცხადა დეიდამ BBC Persian-ს.
პარალელურად, ოთხშაბათს, სახელმწიფოსთან დაკავშირებულმა მედიამ და სხვა საშუალებებმა გაავრცელეს ვიდეო, სადაც ნაჩვენებია პრო-სამთავრობო დემონსტრანტები თეირანის ქუჩებში – ბევრი მათგანი ქალია – დემონსტრანტებთ ჰქონდათ პლაკატები ირანის უზენაესი ლიდერის, აიათოლა ხამენეის მხარდასაჭერად.
ცნობისთვის, პროტესტი 22 წლის ქალის, მაჰსა ამინის გარდაცვალებას მოჰყვა. ის “მორალის პოლიციამ” დააკავა ჰიჯაბის ტარების წესის დარღვევის გამო. მოგვიანებით სამართალდამცავების მიერ ნაცემი გოგო კომატოზურ მდგომარეობაში კლინიკაში მოხვდა და გარდაიცვალა.
წყარო: “მთავარი არხი”
კომენტარები
0 კომენტარები
