“რუსთავის აზოტში” მუშამ შემთხვევით სადეზინფექციო ხსნარი დალია – როგორია მისი ჯანმრთელობის მდგომარეობა?

რუსთავში, საწარმო „აზოტის“ ერთ-ერთმა თანამშრომელმა, შემთხვევით მომწამვლელი ნივთიერება დალია. ინფორმაციას გამოცემა „ინფო რუსთავი“ ავრცელებს.

როგორც საინფორმაციო სააგენტოს საწარმოს დირექტორმა, ლევან ბურდილაძემ განუცხადა, შუა ხნის კაცს ნივთიერება წყალი ეგონა.

“ვიცი, რომ გადაიყვანეს საავადმყოფოში, ჩაუტარდა სამედიცინო დახმარება. მე მითხრეს, რომ არც ისე მძიმე მდგომარეობა იყო სამედიცინო დახმარების მერე. მითხრეს, რომ წყალი ეგონა სადეზინფექციო ხსნარი და შეცდომით დალია”, – განაცხადა ბურდილაძემ.

საწარმოს დირექტორის ინფორმაციით, ფაქტთან დაკავშირებით დაწყებულია შიდა მოკვლევაც.

სამედიცინო დაწესებულებაში განმარტავენ, რომ პაციენტი რეანიმაციულ განყოფილებაშია და მისი ჯანმრთელობის მდგომარეობა მძიმედ ფასდება.

წყარო: Tia.ge

 53 ნახვა