რადას დეპუტატი ლიზა იასკო სოციალურ ქსელში მიხეილ სააკაშვილის ერთწლიანი პატიმრობის შესახებ კომენტარს აკეთებს. მისი თქმით, სააკაშვილის ირგვლივ ბევრი მოღალატე აღმოჩნდა, რომელსაც ექსპრეზიდენტი ენდობოდა. როგორც იასკომ აღნიშნა, თავიდანვე რომ სცოდნოდა ამის შესახებ, მის საქართველოში ჩამოსვლას მხარს არ დაუჭერდა.
“ერთი წელი გავიდა, რაც ჩემთვის ძვირფასი ადამიანი, მიხეილ სააკაშვილი, საქართველოში პოლიტიკური მოტივით დააკავეს.
მაშინ რომ მცოდნოდა, რამდენი ღალატი იყო მის ირგვლივ, მხარს არ დავუჭერდი მის გადაწყვეტილებას საქართველოში წასვლის შესახებ. ამავდროულად, მე მხარს ვუჭერდი მის რომანტიკულ იდეას, წასულიყო თავისი ხალხის მხარდასაჭერად.
ცოტას სჯერა, რომ მიხეილს ნამდვილად არ აქვს პოლიტიკური ამბიცია. ბოლო წლებში მას სხვების დახმარების სურვილი ამოძრავებდა. საკუთარი თავის სარგებელზე არ უფიქრია.
ამ ერთი წლის განმავლობაში ბევრმა გამოიყენა მიხეილ სააკაშვილის სახელი საკუთარი სიმდიდრისა და კეთილდღეობისთვის, მისი ნებართვის გარეშე” – ლიზა იასკო
