სოციალური ქსელის მომხმარებელი თეკლა ნადარიშვილის „ეისბუკზე“ პოსტს აქვეყნებს და შარტავაზე მოხდარი ავტოსაგზაო შემთხვევის შედეგად დაზარალებული დათის და პატარა ნიკოლოზის შესახებ წერს:
,,სიკეთის ანგელოზი,,
ნახატის შექმნა რომ დავიწყე ვერც კი წარმოვიდგენდი რამხელა სიკეთის ჯაჭვს ვქმნიდი, ვფიქრობდი თუ გაიყიდება თანხას ჩემ გაკეთებულ სიკეთეს მოვახმარ და რომ არა დღევანდელი დღის სასწაული, ამის ,,აფიშირებას,, არც მოვახდენდი
დათი ბიჭის ამბავი ყველამ იცით, ის ჩემი მეგობრის Kryss TCo შვილია და ახლა ისიც გერმანიაში გადის სარეაბილიტაციო მკურნალობას, ჯერ ერთმანეთის ნახვას გარკვეული მიზეზების გამო ვერ ვახერხებთ, თუმცა აუცილებლად ჩავეხუტებით ერთმანეთს როდესაც ბავშვებისთვის უსაფრთხო იქნება ჩვენი შეხვედრა.
მოკლედ, მე მქონდა ჩანაფიქრი, რომ თანხა მისი მკურნალობისთვის ჩამერიცხა და მოხდა ჩემთვის ძალიან გულის ამაჩუყებელი ამბავი, დღეს, დილით, დათის დედიკო მწერს მესინჯერში, რომ ნახატის შეძენა გვსურს თუ არ გაყიდულაო, ხვდებით ხო მის ჩანაფიქრსაც, ( სულ მეტირება ისეთი განცდა დამეუფლა) მე მას მივწერე რომ ნახატი გაყიდულია და მისი მფლობელი არის ძალიან ღირსეული ადამიანი George Arveladze რომელმაც ეს სიკეთის ჯაჭვი შექმნა და თუ რატომ ჯაჭვი ამასაც ახლავე მოგიყვებით
მოკლედ, გადავწყვიტე ეს თანხა ( 2 000 ლარი) შევწირო კაცხის სვეტის მამათა მონასტერს კაცხის სვეტი / Katskhi Pillar რომელსაც სათავეში უდგას უსათნოესი, უკეთილშობილესი წინამძღვარი, არქიმანდრიტი მამა ილარიონი, მან შავ ბერებთან და მონასტრის საძმოსთან ერთად ჩვენი ამბავი ლოცვით ღმერთამდის მიიტანა და ჩემი რწმენაში გაძლიერებაც სწორად მათი დამსახურებაა.
მინდა ამ თანხით, ნიკოლოზის და დათის სახელით კაცხის სვეტის მონასტრის ეზოში დაირგას უამრავი ყვავილები მცენარეები და ამ ბავშვების სახელით ეს საოცარი ადგილი, მართლაც სამოთხე დედამიწაზე კიდევ უფრო გალამაზდეს და ყველა იქ მისულს ულამაზესი ბაღით გული გაუთბოს
აი ასეთი სიკეთის შექმნა შევძელით და უღრმესი მადლობა ამ ქველმოქმედებისთვის, რომელსაც არასოდეს დაგივიწყებ George Arveladze” – წერს თეკლა ნადარიშვილი