შინაგან საქმეთა სამინისტრო, მთელის საქართველოს მასშტაბით ახალ პროექტს – „ემეგობრე პოლიციას” იწყებს. ამის შესახებ ინფორმაცია სამინისტროს წარმომადგენლებმა ტელეკომპანია “რუსთავი-2”-ის დილის ეთერში გააჟღერეს.
მათი თქმით, კამპანიის ფარგლებში, ღონისძიებები მთელი ქვეყნის მასშტაბით, სხვადასხვა დროს გაიმართება.
ღონისძიებებზე წარმოდგენილი იქნება საპოლიციო დანაყოფების ტექნიკის გამოფენა და ბავშვებისთვის შემეცნებითი აქტივობები. ამის პარალელურად, კამპანიის ფარგლებში, სკოლებში გაიმართება საინფორმაციო შეხვედრები, რომლის მიზანია მოზარდებში საზოგადოებრივი უსაფრთხოებისა და მართლწესრიგის შესახებ ცნობიერების ამაღლება.