წალენჯიხის მუნიციპალიტეტის მერიის ცნობით, სოციალურად დაუცველ ოჯახებს საქართველოს ნაკრებისა და ყაზანის „რუბინის“ ახალგაზრდა ფეხბურთელი, 19 წლის ხვიჩა კვარაცხელია დაეხმარა.
„რუსეთში მოღვაწე, ყაზანის „რუბინის“ ფეხბურთელის, ხვიჩა კვარაცხელიას ფინანსური მხარდაჭერით 50-ლარიანი სასაჩუქრე ვაუჩერები გადაეცათ წალენჯიხის მუნიციპალიტეტში მცხოვრებ სოციალურად შეჭირვებულ, მრავალშვილიან, შშმ პირებს, ხანდაზმულ მარტოხელებს, ვეტერანი ფეხბურთელების ოჯახებს.
სასაჩუქრე ვაუჩერი 100 ოჯახს გადაეცა. წალენჯიხის მუნიციპალიტეტის მერია მადლობას უხდის ხვიჩა კვარაცხელიას თანადგომისთვის!“ – წერია მუნიციპალიტეტის მერიის გავრცელებულ ცნობაში