ჩრდილოეთ მაკედონიის ნაკრებმა თბილისში „დინამო არენაზე“ გამართულ ვარჯიშზე დაიგვიანა – აღნიშნული ინფორმაცია მაკედონიის მედიაში გააშუქეს და „პროვოკაცია თუ ორგანიზაციული კრახი“ უწოდეს.
„დღეს საღამოს, თბილისში, ერთა ლიგის ხვალინდელი მატჩის წინ, ოფიციალური ვარჯიშის დაწყებამდე ჩრდილოეთ მაკედონიის საფეხბურთო ნაკრებს მცირე პრობლემა შეექმნა. მათი მგზავრობა სასტუმროდან სტადიონამდე თითქმის ერთ საათს გაგრძელდა.
„ბოდიშს ვიხდი დაგვიანებისთვის. ჩვენი ბრალი არ არის, რომ ჩვენი მგზავრობა სასტუმროდან სტადიონამდე აქ 45 წუთი გაგრძელდა. კიდევ ერთხელ, გამარჯობა ყველას“ – ასე დაიწყო პრესკონფერენცია მთავარმა მწვრთნელმა ბლაგოია მილევსკიმ.
„ცნობილია, რომ ყოველ შეცდომას და დაუდევრობას სერიოზულ პრობლემად თვლის, ამიტომ გასაგებია, რომ გაბრაზებული იყო. არის თუ არა ეს პროვოკაცია მასპინძლის მხრიდან, თუ ორგანიზაცია უბრალოდ სუსტია, თუ გავითვალისწინებთ იმას, რომ თბილისი მილიონიანი ქალაქია და უზარმაზარი საცობებია, ჩვენთვის ეს საიდუმლოდ დარჩება“, – წერს გამოცემა „სპორტმედია“.
შეგახსენებთ, რომ ერთა ლიგის C4 ჯგუფში, საქართველოსა და ჩრდილოეთ მაკედონიის ნაკრებების საფეხბურთო დაპირისპირება 23 სექტემბერს, 20:00 საათზე დაიწყება. შეხვედრაზე დასასწრები ყველა ბილეთი გაყიდულია.
კომენტარები
0 კომენტარები
