ავტოსაგზაო შემთხვევის შედეგად მიღებული ტრავმებით, დედოფლისწყაროს მუნიციპალიტეტის საკრებულოს წევრი გარდაიცვალა.
55 წლის ემზარ ჯანაშვილს, თბილისში, ქვეითად გზაზე გადასვლის დროს ავტომანქანა რამდენიმე დღის წინ დაეჯახა. მას თბილისში, ქირურგიის ცენტრში მკურნალობდნენ.
ექიმების განმარტებით, ჯანაშვილს, სიცოცხლესთან შეუთავსებელი დაზიანებები ჰქონდა და მისი გადარჩენა ვერ მოხერხდა.
ემზარ ჯანაშვილი, დედოფლისწყაროს საკრებულოს წევრი, სოფელ არბოშიკის მაჟორიტარი დეპუტატი, 2021 წლის ადგილობრივი თვითთმმართველობის არჩევნების დროს გახდა. ის საკრებულოში, ფრაქცია ერთიანი ნაციონალური მოძრაობის წევრი იყო.
საარჩევნო კოდექსის თანახმად, საკრებულოს გამოკლებული წევრის ახალი არჩევნები, მომავალი წლის მაისში უნდა ჩატარდეს.
254 ნახვა
