ირანში საპროტესტო აქციების გამო, ქვეყნის ხელისუფლებამ Instagram-სა და WhatsApp-ზე წვდომა შეზღუდა.
Instagram და WhatsApp ბოლო სოციალური ქსელები იყო, რომლებიც ქვეყანაში ფუნქციონირებდა.
გარდა ამისა ვრცელდება ინფორმაცია, რომ კავშირი ირანის მობილური ტელეფონის პროვაიდერმაც დაკარგა.
შეგახსენებთ, ირანში საპროტესტო გამოსვლები 22 წლის მაჰსა ამინის გარდაცვალების შემდეგ დაიწყო.
22 წლის ქალი მორალის პოლიციამ “ჰიჯაბის არასწორად ტარების გამო” დააკავა.
თვითმხილველები აცხადებენ, რომ დაკავების შემდეგ პოლიციელები მაჰსას ფიზიკურად გაუსწორდნენ. ქალი გათავისუფლებიდან 3 დღეში გარდაიცვალა, რის მიზეზადაც ხელისუფლებამ გულის პრობლემები დაასახელა, თუმცა ნათესავები ამ ვერსიას უარყოფენ და აცხადებენ, რომ მაჰსას ჯანმრთელობის პრობლემები არ ჰქონია.
49 ნახვა
