“ვიჯექი, რიგის ნომერს ველოდებოდი, 309 იყო რიგის ნომერი, მახსოვს” – ყოფილმა მძევალმა თავდასხმის დეტალებზე ჟურნალისტებთან ისაუბრა.
ცნობისთვის, შეიარაღებული პირი ქუთაისში, “საქართველოს ბანკში”, გუშინ, დაახლოებით 12:00 საათზე შეიჭრა. თავდამსხმელს 12 მძევალი ჰყავდა და 2 მილიონ დოლარს ითხოვდა. დღის ბოლოს შსს-მ თავდამსხმელი დააკავა, მძევლები კი გაათავისუფლა.
თავდამსხმელი 37 წლის გრიგოლ ნარსიაა. არსებობს ორი ვერსია – ერთი ის, რომ თავდამსხმელი ქუთაისში ბანკთან ახლოს ცხოვრობს და მისი ოჯახის წევრები უკვე ჰყავდათ დაკითხვაზე გადაყვანილი და მეორე – თავდამსხმელი საქართველოში ემიგრაციიდან ცოტა ხნის წინ დაბრუნდა, ჰქონდა დიდი ფინანსური პრობლემები, თუმცა ამ ვერსიებიდან არცერთი ამ დრომდე ოფიციალურად დადასტურებული არ არის.
წყარო: Palitravideo.ge
კომენტარები
0 კომენტარები
