„ია ფარულავას კონვერტის“ სტუმარი პოლიტიკოსი ეკა ბესელია იყო, რომელმაც გადაცემაში გაიხსენა დრო როდესაც ის მისი დაცვის ქვეშ მყოფ პირს შეუყვარდა და გარკვეული პერიოდის განმავლობაში სიყვარულის ნიშნად ყვავილების თაიგულებსა და სასიყვარულო ბარათებს უგზავნიდა.
„ძალიან წარმატებული ადვოკატი ვიყავი, ხალხი ნაცნობებს ეძებდა, რომ ჩემამდე მოსულიყვნენ და კონკრეტული საქმე ამეღო. მიუხედავად იმისა, რომ ადვოკატს ნებისმიერი პირის დაცვა ევალება, მე არ შემეძლო ყველა საქმისთვის მომეკიდა ხელი, არც ის შეიძლება საქმე აიღო და შემდეგ შუა გზაში დატოვო, ამიტომ წინასწარ დეტალურად ვეცნობოდი ყველაფერს.
იყო ერთი შემთხვევა, როდესაც ჩემი დაცვის ქვეშ მყოფმა პირმა სასიყვარულო ბარათები გამომიგზავნა. საქმე ეხებოდა მკვლელობას. ორ ნაცნობს შორის მოხდა კონფლიქტი, რის ნიადაგზეც ერთ-ერთმა მეორე მოკლა. როდესაც საქმე გავეცანი და პროცესზე დავდიოდი ვგრძნობდი რომ ჩემი დაცვის ქვეშ მყოფი ძალიან ნანობდა მომხდარს, მე მას თავდადებით ვიცავდი, ფაქტო რა თქმა უნდა არსებობდა, მაგრამ ვდაობდი კვალიფიკაციაზე, რომ აუცილებელი მოგერიების გამო მოხდა შემთხვევა, როდესაც მასთან ციხეში დავდიოდი, მაძლევდა ბარათებს, ძალიან ტაქტიანად მივახვედრე, რომ ეს არ შეიძლებოდა, თუმცა მან არ შეწყვიტა. შემდეგ მალე გამოვიდა ციხიდან და დიდი ხნის განმავლობაში მიგზავნიდა ოფისში ყვავილების თაიგულებსა და ბარათებს. როდესაც მიხვდა, რომ ჩემგან საპასუხო გრძნობა არ იყო, შემდეგ გაქრა, მგონი საზღვარგარეთ წავიდა.“ – განაცხადა ბესელიამ