უკრაინულ მედიაში გავრცელდა ინფორმაცია, რომ უკრაინელი მომღერალი ვერა ბრეჟნევა და პროდიუსერი კონსტანტინე მელაძე 2022 წლის ზაფხულში დაშორდნენ.
წყვილის დაშორების შესახებ, ამბავი ჯერ კიდევ რუსეთ-უკრაინის ომის დაწყებიდან ორ თვეში გავრცელდა.
მედიის ცნობით, წყვილი დაშორდა უკრაინის ომის შესახებ განსხვავებული პოზიციების გამო. ბრეჟნევა გმობს კრემლის კრიმინალურ რეჟიმს და ომის დასაწყისში გაემგზავრა პოლონეთში, სადაც ეხმარებოდა ლტოლვილებს. მელაძე თავის მხრივ დუმს.
შეგახსენებთ, რომ 2015 წლის ოქტომბერში ვერა ბრეჟნევა ფარულად დაქორწინდა კომპოზიტორსა და მუსიკალურ პროდიუსერზე კონსტანტინე მელაძეზე. მათი ქორწილი იტალიაში ახლო ადამიანების წრეში შედგა.