რუსი ჟურნალისტი ქსენია სობჩაკი საქართველოში იმყოფებოდა. მან მიღებული შთაბეჭდილებები ერთ პოსტში შეაჯამა და დაწერა, რა მოეწონა ქვეყანაში და რამ გაანაწყენა.
“თბილისში ორდღიანმა მივლინებამ ბევრი შთაბეჭდილება დამიტოვა.
პირველ რიგში, ძალიან მიყვარს საქართველო. აქ, პარლამენტთან ახლოს მამაჩემის ძეგლი დგას. მან პირველმა თქვა სიმართლე 1989 წელს სსრკ-ში თბილისში განვითარებულ მოვლენებზე. ამ ადგილთან კავშირს ვგრძნობ. აქ ჩემი მეგობრები ცხოვრობენ და ბევრი მათგანი, 24 თებერვლის შემდეგ წავიდა.
რა მომეწონა: მთებში იოგას ვაკეთებდი; პირველად ვნახე “ლიფტი ფულისთვის” – როდესაც მონეტა უნდა ჩააგდო, ლიფტი რომ დაიძრას; და კიდევ, ჩემი საყვარელი სასტუმრო, ულამაზესი ინტერიერით.
რა არ მომეწონა: ბევრი შეურაცხმყოფელი წარწერები რუსეთის შესახებ და ბევრი ჟურნალისტის მონდომება, რომ აუცილებლად გააკეთო განცხადება შენი ქვეყნის შესახებ. მე არ ვმალავ ჩემს შეხედულებებს, მაგრამ საკუთარი ქვეყნის ლანძღვა “ექსპორტზე” – ეს ჩემში არ ზის. ამაში არის რაღაც არასწორი. არავის არ განვიკითხავ, უბრალოდ, ასე ვფიქრობ.
იმედი გავუცრუე ბარმენს, რომელსაც უნდოდა, რომ ხელი მომეწერა ფურცელზე, სიტყვებით “დიდება უკრაინას”. ყველას არ ესმის, რომ იყო მილიტარიზმის და ძალადობის წინააღმდეგი, არ ნიშნავს, გინდოდეს უცხო სახელმწიფოს განდიდება. მაშინაც კი, თუ ძალიან თანაუგრძნობ ტანჯვისა და დანაკარგების გამო. მოკლედ, თბილისი მშვენიერია, მაგრამ ხალხი ყველგან ხალხია”, – წერს სობჩაკი.
