ცნობილია კიკეთში, საცხოვრებელ სახლში მომხდარი სისხლიანი გარჩევის დროს მოკლული პირის ვინაობა – დაღუპულია გია გათენაშვილი, რომელიც Ambebi.ge-ს ინფორმაციით, ოჯახის ნათესავი იყო და შემთხვევის დროს იქ სტუმრად იმყოფებოდა. ის საავადმყოფოში გადაჰყავდათ, რა დროსაც, გზაში გარდაიცვალა.
“ამბები ჯის” წყაროს ცნობით, ეჭვმიტანილი, 54 წლის მამაკაცი პოლიციას ჩაბარდა.
დანაშაულის მოტივი სავარაუდოდ, ვალს უკავშირდება. დაუდადტურებელი ინფორმაციით, დაკავებული მეზობლად მცხოვრებ ოჯახთან თანხის დაბრუნების მოთხოვნით მივიდა, რის შემდეგაც 10-ზე მეტი გასროლა განახორციელა.
სროლის დროს კიდევ ოთხი ადამიანი დაიჭრა. ორი ქალი თბილისში, “ნიუ-ჰოსპიტალში” მოათავსეს, კიდევ 2 დაჭრილი მამაკაცი კი “გეგიაძის” კლინიკაშია გადაყვანილი.
