კიკეთში მომხდარი სროლის შესახებ, რომლის შედეგადაც ერთი ადამიანი დაიღუპა, რამდენიმე კი დაიჭრა, ახალი დეტალები ხდება ცნობილი.
როგორც ადგილობრივები ამბობენ, სისხლიანი გარჩევა ერთ-ერთ ოჯახში მოხდა. პირი, რომელმაც ხუთ ადამიანს გაუხსნა ცეცხლი, სავარაუდოდ თავადაც კიკეთის მცხოვრებია.
წინასწარი ინფორმაციით, მათ ერთ-ერთ საცხოვრებელ სახლში გახსნა ცეცხლი, როგორც მასპინძლების, ისე სტუმრების მისამართით.
როგორც IPN-ს ერთ-ერთი ადგილობრივი უყვება, სახლში იმყოფებოდა, როდესაც მეზობელი სახლიდან მიყოლებით, დაახლოებით 15 გასროლის ხმა გაიგო.
არსებული ცნობით, ერთ-ერთი დაჭრილი ადგილობრივებს საავადმყოფოში გადაჰყავდათ, რა დროსაც გარდაიცვალა. სროლის დროს დაიჭრა ორი ქალი, რომლებიც თბილისში, “ნიუ ჰოსპიტალსის“ კლინიკაში არიან მოთავსებული.
“პირველების” ინფორმაციით, ბრალდებული დაკავებულია.
178 ნახვა
