უკრაინის მოქალაქე, ტელეწამყვანი რომან დრიბნი, რომელსაც უკრაინის მხარდასაჭერი საქველმოქმედო ღონისძიებაში უნდა მიეღო მონაწილეობა, საქართველოში არ შემოუშვეს. ამის შესახებ ინფორმაციას პარტია “სტრატეგია აღმაშენებლის” ლიდერი, გიორგი ვაშაძე ავრცელებს.
“დღეს თბილისის აეროპორტში არ შემოუშვეს ჩვენს მიერ საქველმოქმედო ღონისძიებაზე მოწვეული რომან დრიბნი, უკრაინის მოქალაქე. დედა სიდონიას ორგანიზებით, 25 სექტემბერს კახეთში, წინანდალში იმართება საქველმოქმედო ღონისძიება, რომ დავეხმაროთ ჩვენს უკრაინელ მეგობრებს და სპეციალურად ამ ღონისძიებისთვის, სპეციალური საშვით, მოწვევით და ნებართვით, უშუალოდ მე ვეხმარებოდი რომ ეს ნებართვა აეღო, უკრაინის ტერიტორიიდან შემოდიოდა საქართველოში და ეს ადამიანი ყოველგვარი მიზეზის გარეშე გააბრუნეს თბილისის აეროპორტიდან. ეს არის თავხედური კანონსაწინააღმდეგო ქმედება, რასაც შსს პრორუსული ქართული ოცნების დავალებით ჩადის“, – განაცხადა ვაშაძემ დღეს გამართულ ბრიფინგზე.