რუსეთის იუსტიციის სამინისტრომ შოუმენი მაქსიმ გალკინი იმ ფიზიკური პირების რეესტრში შეიყვანა, რომლებიც უცხოელი აგენტების ფუნქციებს ასრულებენ. ინფორმაციას РИА Новости ავრცელებს.
არსებული ცნობით, გალკინის დამფინანსებლების გრაფაში უკრაინაა მითითებული. ამასთან, ნახსენებია “პოლიტიკური საქმიანობა”.
შეგახსენებთ, მაქსიმ გალკინი იმ ცნობილი ადამიანების რიცხვს მიეკუთვნება, რომლებმაც საკუთარი ქვეყანა უკრაინაში სრულმასშტაბიანი ომის დაწყების გამო ხმამაღლა გააკრიტიკა. გალკინმა რუსეთის ტერიტორია ცოლთან, რუსეთის ესტრადის ვარსკვლავ ალა პუგაჩოვასა და შვილებთან ერთად დატოვა, თუმცა, რამდენიმე კვირის წინ გავრცელდა ინფორმაცია, რომ პუგაჩოვა მოსკოვში იყო ჩასული.
ცნობისთვის, გალკინი ტურნეს მართავს და ოქტომბერში მისი კონცერტი საქართველოშიც არის დაგეგმილი.