საგარეჯოში ავტოსაგზაო შემთხვევის შედეგად დაშავებული რუსთაველი ქალი გარდაიცვალა. შუახნის ქალი კლინიკა “ჯეო ჰოსპიტალსში” იყო მოთავსებული.
როგორც კლინიკაში აცხადებენ, პაციენტს სიცოცხლესთან შეუთავსებელი დაზიანებები აღენიშნებოდა.
“პაციენტს ყველა საჭირო და გადაუდებელი დახმარება ჩაუტარდა, თუმცა სასიცოცხლო ფუნქციები ვერ აღდგა იმის გამო, რომ სიცოცხლესთან შეუთავსებელი მრავლობითი ტრავმები აღენიშნებოდა”, – აცხადებენ “ჯეო ჰოსპიტალსში”.
მძიმე მდგომარეობაშია ავარიის დროს დაშავებული კიდევ ერთი პირი, ახალგაზრდა ქალი, რომელიც შვილთან ერთად თბილისში გადმოიყვანეს. რაც შეეხება მცირეწლოვანს, ექიმების შეფასებით, მისი მდგომარეობა შედარებით მსუბუქია.
შეგახსენებთ, ავტოსაგზაო შემთხვევის შედეგად კლინიკაში დაღუპული ქალის მეუღლე ადგილზევე გარდაიცვალა. დაშავებულები კი მათი შვილიშვილი და შვილთაშვილი არიან.
რუსთაველი ოჯახი სოფლიდან ქალაქში ბრუნდებოდა. ისინი მსუბუქი ავტომობილით გადაადგილდებოდნენ, რა დროსაც საპირისპირო მიმართულებით მოძრავ ტრაილერს შეეჯახნენ.
წყარო: inforustavi