ოზურგეთში მომხდარი მკვლელობის საქმეში ახალი დეტალები ხდება ცნობილი. ერთ-ერთი ვერსიით, 23 წლის გიგა როყვას თავს იმ დროს დაესხნენ, როდესაც ის თანმხლებ პირებთან ერთად ავტომანქანით ანასეულის გზაზე გადაადგილდებოდა.
“კურიერის” ინფორმაციით, დანაშაულის მოტივი წარსუში არსებული, ყოფით ნიადაგზე დაწყებულ კონფლიქტს უკავშირდება. როგორც ირკვევა, მოკლული და დანაშაულის ჩამდენი პირი შეხვდნენ ერთმანეთს შეხვდნენ, რასაც კამათი მოჰყვა, თუმცა, უთანხმოება ფიზიკურ დაპირისპირებაში არ გადაზრდილა. ხოლო მას შემდეგ, რაც 23 წლის მამაკაცი საკუთარ ავტომობილში ჩაჯდა, დაახლოებით 10 მეტრში მას ცეცხლსასროლი იარაღიდან ესროლეს.
“კურიერის” ინფორმაციით, ახალგაზრდა მამაკაცი, რომელიც იტალიიდან ერთი კვირის ჩამოსული იყო დედასთან, კლინიკაში უცნობმა პირებმა შეიყვანეს, თუმცა, ექიმებმა დაჭრილის გადარჩენა ვერ შეძლეს – მას ცეცხლსასროლი ჭრილობა გულ-მკერდის არეში ჰქონდა მიყენებული.