ჟურნალისტმა ვახო სანაიამ გადაცემა „კვირის ფორმულაში“ განაცხადა, რომ ხვიჩა კვარაცხელიაზე აზრის შეცვლას არ აპირებს.
სანაია აცხადებს, რომ კვარაცხელია კარგი ფეხბურთელია, თუმცა, მას სამოქალაქო პოზიციას უწუნებს.
“მთავარ არხზე გამოვიდა, რამდენიმე ჟურნალისტი ადრე არ ვიცი, როდის იყო თვეების წინ, მე მგონი და რაღაც კრიტიკა თქვა, ფეხბურთელის მიმართ, მონიშნეს თაგებში, „ტვ პირველზე“ დადეს რაღაცა ქარდი, ეგეც ხელზე დაიხვიეს, კაი, ჩემი ამბავი გასაგებია.
პელე, რომელიც ყველა ამბობს, რომ გენიალური ფეხბურთელი იყო, მაგრამ მასთან ჰქონდათ პრეტენზია, სხვათა შორის თავისთავთან ჰქონდა შემდეგ პრეტენზია მომავალში, რომ ე.ი. იმ დიქტატორულ რეჟიმში მის გამოყენებას ასე ცდილობდა, დიქტატორული რეჟიმი.
სამოქალაქო პოზიციასა და მოედანზე რაც ხდება მათ შორის, დიდი ზღვარია. მას გააქვს შესანიშნავი გოლები, ძალიან მაგარი ფეხბურთელია, მაგრამ მე ფეხბურთელზე არ მაქვს ლაპარაკი, მის სამოქალაქო პოზიციაზე. ვიღაცა არ მეთანხმება, ვიღაც კი არა, ბევრი არ მეთანხმება, ვისაც უხარია, უნდა დაპოსტოს კიდეც, უნდა იყვიროს კიდეც. მე ჩემი პოზიცია მაქვს, ეს პოზიცია არ შემიცვლია და არც შევიცვლი”, – აცხადებს ვახო სანაია.