ხვიჩა კვარაცხელია ევროპულ ფეხბურთში ამ სეზონზე ერთ-ერთი სენსაციაა. ის გახდა “ნაპოლის” ერთ-ერთი ლიდერი სულ რაღაც 21 წლის ასაკში.
აღნიშნულის შესახებ ინფორმაციას უცხოური მედია ავრცელებს.
ექვს მატჩში, 4 გოლი და 2 საგოლე გადაცემა მიითვალა. ასევე საკმაოდ წარმატებული იყო კვარაცხელიას თამაში უეფას ჩემპიონთა ლიგის დებიუტში “ლივერპულის” წინააღმდეგ.
ქართველი გარემარბი, რომელიც ამ ზაფხულს ბათუმის დინამოდან 10 მილიონ ევროდ Partenopeo-ს გუნდში ჩავიდა, მოედნის ყველა ზოლში თამაშისა და ორივე პროფილის გამოყენების უნარით გამოირჩევა. ის თავისი ნიჭის წყალობით, მზად არის, რომ ითამაშოს მსოფლიოს საუკეთესო გუნდებში.
ვრცელდება ინფორმაცია, რომ მისი ფასი საგრძნობლად გაიზარდა. მისით დაინტერესებული ერთ-ერთი კლუბი მადრიდის “რეალია” .
ხვიჩა კვარაცხელიას ხედავენ, როგორც საინტერესო ვარიანტს მოკლე და გრძელვადიან პერსპექტივაში შეტევის გასაძლიერებლად. მისი ყველა ხაზში თამაშის უნარი აადვილებს მას პროექტში მორგებას ისეთ სახელებთან ერთად, როგორიცაა ვინისიუს უმცროსი და როდრიგო გოესი, რომლებიც კლუბის მთავარი ფსონი არიან.
როგორც მედია წერს, მადრიდის “რეალი” ყურადღებით ადევნებს თვალს ხვიჩა კვარაცხელიას პროგრესს.