“ტვ პირველის” ინფორმაციით, ჯანდაცვის ჯგუფის ხელმძღვანელის, ნიკოლოზ გამყრელიძის თანამდებობა ერთ მესიჯს შეეწირა. როგორც გადაცემა “შაბათის ეთერის” ჟურნალისტებმა გააკრვიეს, მაშინ, როდესაც ქუჩაში ევროპული კურსის მხარდასაჭერად ათი ათასობით ადამიანი გამოვიდა, ჯანდაცვის ჯგუფი და მისი ხელმძღვანელი ნიკა გამყრელიძე ერთ-ერთი იყო უმსხვილეს ქართული კომპანიებს შორის, რომლებმაც ანტისამთავრობო აქციის ორგანიზატორებს მხარდაჭერა აღუთქვეს.
“შაბათის ეთერის” ინფორმაციით, გამყრელიძის ვრცელ წერილში, სუს-ის ყურადღება სიტყვებმა – “ჩვენი იმედი გქონდეთ” მიიქცია.
“ტვ პირველის” ინფორმაციით, მესიჯი ნიკა გამყრელიძის ტელეფონიდან არ გაგზავნილა და მისი დანაბარები ქადაგიძემ მესამე პირის საშუალებით მიიღო. როგორც “შაბათის ეთერმა” დაადგინა, ნიკა გამყრელიძის სახელით გაგზავნილი მესიჯი, რომელიც აქციის ორგანიზატორებმა მიიღეს, ოპერატიულ ტექნიკური სააგენტოს მოსმენების სამსახურმა გაშიფრა და ამის შესახებ “ქართული ოცნების” ლიდერებს აცნობა, მესიჯები მოსმენების სამსახურიდან პრემიერ ღარიბაშვილთან მოხვდა, რომელმაც ჟურნალისტების ინფორმაციით, საქართველოს ჯანდაცვის ჯგუფის მფლობელ კომპანიას უთხრა, რომ თუ გამყრელიძეს არ გაუშვებდნენ, ეს მთავრობას და საქართველოს უმსხვილეს ბიზნეს კორპორაციას შორის პრობლემებს შექმნიდა.
ტვ პირველის ინფორმაციით, სწორედ ამ მესიჯს შეეწირა ნიკა გამყრელიძის მამის, დაავადებათა კონტროლის ეროვნული ცენტრის ხელმძღვანელის პოსტიც.