🎥ვიდეო: ტიერი ანრი კვარას თამაშით გაოცებულ მაყურებელს უხსნის, თუ როგორი ბრწყინვალე მოთამაშეა ის

ფრანგი მწვრთნელი და ყოფილი ფეხბურთელი, ტიერი ანრი ნაპოლისა და ლივერპულის მატჩის შემდეგ ერთ-ერთ გადაცემას ესტუმრა. თამაშის შეფასებისას, მან ხვიჩა კვარაცხელიას მისამართით საქებარი სიტყვები არ დაიშურა.

“კვარაცხელიას სირბილი, შეგნებულობა… ხალხი იტყვის – კარგი, რა არის ამაში ასეთი რთული? ზოგიერთი ადამიანი, ზოგჯერ ვერ ხედავს ყველა დეტალს. გამოვარჩევდი იმას, თუ როგორ ზეწოლას ახდენდა გომესსზე. მან მონაწილეობა მიიღო იმ გოლში, რომელიც პენალტის შედეგად გავიდა. საქმე მხოლოდ მის უნარებში არ არის – მას რაღაც ახალი შემოაქვს მოედანზე… შესანიშნავი თამაში ჩაატარა. ის, თუ როგორ ახდენდა ზეწოლას მოწინააღმდეგეზე, როგორ მისწრაფებებს იჩენდა – განსაკუთრებით, მატჩის მეორე გოლის დროს… ეს ის არის, რაც ადრეც მითქვამს, მე დღეს დავინახე მოთამაშე, რომლის ძლიერი მხარეც არა მხოლოდ უნარები და სურვილია არამედ მან, მაგიდაზე დადო ისეთი რამ, რისგანაც შემიძლია რაღაცის გამოცხობა, როგორც მწვრთნელს. ნახეთ, როგორ იყენებს თავის სხეულს, როგორია მისი მოტივაცია”, – ამბობს კავარაცხელიას თამაშით აღფრთოვანებული ტიერი ანრი.

შეგახსენებთ, ნაპოლი-ლივერპულის შეხვედრე 4:1 დასრულდა, ხვიჩამ მოედანი შეხვედრის მეორე ტაიმში დატოვა თუმცა, მანამდე, გააკეთა საგოლე გადაცემა და კიდევ ორი გოლის შექმნაში მიიღო მონაწილეობა.

კომენტარები

0 კომენტარები