ფონდ „იავნანას“ დამფუძნებელი პაატა ბურჭულაძე ახალგაზრდებს მიმართავს და ვოკალური სტუდია და ფონდი “იავნანას” შესარჩევ მოსმენაში მონაწილეობისკენ მოუწოდებს.
“მინდა მივმართო ყველას, ვინც გვისმენს. მეგობრებო, გთხოვთ, გააგებინოთ თქვენს მეგობრებს, ახლობლებს, მეზობლებს, ნათესავებს, რომ თუ გყავთ ახალგაზრდა 18-დან 22 წლამდე, ვისაც აქვს კარგი საოპერო ხმა, მე ვაძლევ მას საშუალებას მოვიდეს ჩემს საოპერო სტუდიაში, რომელიც შევქმენი. თუკი საჭირო გახდა დავუფინანსებთ ცხოვრების ხარჯებს. სტიპენდიასაც დავუნიშნავთ.
სექტემბრის თვეში საქართველოს ქალაქებში იქნება მოსმენა. მინდა საქართველოსთვის აღვზარდო კარგი საოპერო მომღერალი. მე მაქვს ამის საშუალება და ამას სიამოვნებით გავაკეთებ. ერთი ორი ადამიანი მაინც აუცილებლად უნდა გამოჩნდეს”, – განაცხადა პაატა ბურჭულაძემ “ტვ პირველის” ეთერში.