ცნობილი დერმატო-ვენეროლოგმა ზაზა თელიას პოსტს Facebook-ზე დიდი გამოხმაურება მოჰყვა.
“საქართველო ქვეყანაა სადაც სასწარფო დახმარების ბრიგადას “ციმციმა” აქვს ჩართული, საგზაო მოძრაობის წესებს არღვევს და ეჩქარება, მაგრამ გამოძახებაზე კი არა, არამედ შაურმის საჭმელად ეჩქარება” – დაწერა თელიამ.
პოსტის კომენტარებში კი აღნიშნა:
“ანუ იმიტომ, რომ შაურმის ჭამა მოასწრონ, საგზაო მოძრაობის წესები სასწარფო დახმარების ბრიგადას ეპატიება??? ისევე როგორც ჩაბურულ შუშებიანი ავტომობილებში მსხდომებს რომლებიც იგივეს აკეთებენ??? ციმციმა უნდა ჩართოს იმ ბრიგადამ ვინ გამოძახებაზეა!”, – წერდა თელია.
ინტერნეტმომხმარებლების ნაწილი მედიკოსის პოსტმა გააღიზიანა. მათ შორის იყო ენდოკრინოლოგი ფიქრია შიომღვდლიშვილი, რომელმაც ზაზა თელიას შემდეგნაირად გამოეხმაურა:
“ამას, როგორც ჩანს, მამის ნაანდერძალი თბილი სავარძელი. ბონუსებზე აწყობილი მსუყე ბიზნეს – მედიცინა და გაიდლაინ – “პრიშიკ” – ექიმობა ისე აუვარდა თავში, ტაქტი და კორექტულობა დაავიწყდა. სასწრაფოს ექიმი იმიტომ დარბის სირენებით, რომ მანქანის კაბინაში ჭამა მოასწროს შემდეგ მისამართამდე, ყველას არ გადაეცა მემკვიდრეობით აწყობილი ბიზნესი, რათა მშვიდად ღეჭოს ლუკმა. პ.ს. პოსტები არ არის შენი ძლიერი მხარე ზაზა, მუწუკებს მიაწექი”, – დაწერა ექიმმა.
ზაზა თელიამ ფიქრია შიომღვდლიშვილს Facebook პოსტით უპასუხა.
“ფიქრია, ჩემო კარგო
1. ჩემთან ვიზიტზე რომ ვერ მოხვდით ამიტომ არ უნდა დაიბოღმოთ
2. კლინიკა ანდერძით არ გადმომეცა, არამედ მე გავხსენი, თანაც სარემონტო მასალები ჩემი ავტომობილით დამქონდა
3. ყველა ადამიანი, ვინც საგზაო მოძრაობის წესებს არღვევს პოტენციური დამნაშავეა, არ აქვს მნიშვნელობა საპატრულო ავტომობილში ზის თუ სასწრაფოში.
რადგან განათლების პრობლემა არსებობს კიდევ ერთხელ გავიმეორებ – “ციმციმა” უნდა ჩაირთოს მხოლოდ იმ შემთხევაში თუ ეკიპაჟი გამოძახებაზეა!!!! და არა თუ საჭმელად ეჩქარება!!!
4. დერმატოლოგია რომ “პრიშიკების” ექიმობა გგონია, ყველაზე რთული დარგია მედიცინაში ჩემო კარგო
5. როგორც ვნახე ექიმი ხართ, თქვენ რამდენი პაციენტიც მიღებული გყავთ ჯამში, იმდენი უფასო კონსულტაცია მაქვს გაწეული პაციენტებისთვის, ამიტომ მგონია უხერხულია რასაც წერთ”, – დაწერა თელიამ.