1-ელ სექტემბრამდე ცოტა ხნით ადრე რუსეთში დაბრუნებული პრიმადონა ალა პუგაჩოვა დღეს კიდევ ერთხელ გამოჩნდა საზოგადოების წინაშე. ამის შესახებ ambebi.ge რუსული მედიაზე დაყრდონობთ წერს.
მათივე ინფორმაციით, მან შვილები – ლიზა და ჰარი სკოლაში თავად მიიყვანა. ბავშვები წელს მესამე კლასში მივიდნენ.
პუგაჩოვასა და გალკინის მემკვიდრეები ელიტარულ გიმნაზიაში სწავლობენ, რომელიც ოდინცოვოს რაიონის სოფელ ლიპკში მდებარეობს. ბოლო დრომდე ცნობილი არ იყო, მივიდოდა თუ არა ტყუპი 1-ელ სექტემბერს სკოლაში.
რაც შეეხება მაქსიმ გალკინს, 46 წლის შოუმენი მთელ მსოფლიოში მოგზაურობს და კონცერტებს მართავს, საიდანაც შემოსული თანხის ნაწილს უკრაინის დახმარების ფონდში რიცხავს. გალკინს აკრძალული აქვს რუსეთში კონცერტების გამართვა, რადგან რუსეთის ხელისუფლებას დაუპირისპირდა და უკრაინაში მიმდინარე ომი დაგმო.