ბათუმში 34 წლის რუს ინჟინერს რამდენიმე დღეა ეძებენ. სამძებრო სამუშაოებში ჩართულია პოლიციაც.
Telegram არხ Baza-ს ცნობით, მამაკაცი 13 ნოემბერს სახლიდან სანაპიროზე სასეირნოდ გავიდა და უკან აღარ დაბრუნებულა. როგორც დაკარგულის მეუღლემ, ტატიანამ განაცხადა, სერგეი საქართველოში სამუშაოდ რამდენიმე თვის წინ ჩამოვიდა და ბათუმში მოსკოველ კოლეგასთან ერთად ცხოვრობდა. მისივე თქმით, ქმარი ადრე არასდროს უჩინარდებოდა გაფრთხილების გარეშე.
